کراچی: ایم اے جناح روڈ پر رمپا پلازہ کی عمارت میں آگ بھڑک اٹھی

کراچی (پاکستان امیج)ایم اے جناح روڈ پر رمپا پلازہ کی عمارت میں آگ لگنے کا واقعہ پیش آیا، آگ بجھانے کی کوششیں جاری ہیں۔

مقامی ذرائع کے مطابق واقعے کی اطلاع ملتے ہی سینٹرل کمانڈ اور کنٹرول ٹیم نے فوری کارروائی کرتے ہوئے ریسکیو اور فائربریگیڈ کی ٹیموں کے ساتھ ایمبولینسز کو جائے وقوعہ پر روانہ کیا۔

عمارت کو فوری طور پر خالی کرا لیا گیا جبکہ آگ بجھانے کی کوششیں جاری ہیں، خوش قسمتی سے اب تک کسی جانی نقصان کی اطلاع نہیں ملی ہے۔

آگ رمپا پلازہ کی چوتھی منزل پر لگی اور تیزی سے دیگر منزلوں تک پھیل گئی۔ آگ بجھانے کے لیے ایک اسنارکل اور پانچ فائر ٹینڈرز سرگرم عمل ہیں جبکہ مزید دو گاڑیوں کی آمد کے بعد فائر ٹینڈرز کی مجموعی تعداد سات ہو گئی ہے۔

رمپا پلازہ میں گاڑیوں کے پرزے، ٹائر اور گودام موجود ہیں جو آگ کی شدت بڑھنے کا سبب بن سکتے ہیں۔فائر بریگیڈ کی ٹیمیں آگ پر قابو پانے کی بھرپور کوشش کر رہی ہیں۔ یہ ایک ترقی پذیر واقعہ ہے، اور مزید معلومات دستیاب ہوتے ہی خبر کو اپڈیٹ کیا جائے گا۔

Please follow and like us:
Pin Share

Check Also

رواں مالی سال ترسیلاتِ زر 44 ارب ڈالر سے تجاوز کرنے کی توقع ہے، وزیر خزانہ

اسلام آباد(پاکستان امیج) وفاقی وزیر برائے خزانہ محمد اورنگزیب نے کہا ہے کہ پاکستان اپنے …

Leave a Reply

Your email address will not be published. Required fields are marked *