ڈرامہ سیریل”کبھی میں کبھی تم“ دیکھنے پر شوہر نے بیوی کو طلاق دے دی

کراچی(پاکستان امیج)نجی ٹی وی کی میگاہٹ ڈرامہ سیریز ”کبھی میں کبھی تم“ اپنے شاندار اختتام کو پہنچ گئی۔ اس ڈرامے کی مرکزی کہانی میں ایک ایسے لاپروا لڑکے کو دکھایا گیا ہے جو شادی کے بعد ایک ذمہ دار اور اپنی فیملی کیلئے بڑی سپورٹ بن گیا۔

ڈرامے میں میاں بیوی کوایک دوسرے کا بڑ اسہارا دکھانے کی کوشش کی گئی ہے جو مشکل وقت میں ایک دوسرے کے ساتھ کھڑے ہوتے ہیں اور یہی چیز کسی بھی رشتے کو مضبوط بناتی ہے۔لیکن اس ڈرامے کی بدولت ایک خاتون کا گھر بھی اجڑ گیا۔ جسے اس کے شوہر نے اس بنا پر طلاق دے دی کہ وہ یہ ڈرامہ شوق سے دیکھتی تھی۔

سوشل میڈیا پر ایک ویڈیو وائرل ہورہی ہے، جس میں ایک عورت کو اپنی روداد سناتے ہوئے دکھایا گیا ہےکہ کس طرح اس کے شوپر نے محض ڈرامہ دیکھنے پر اسے طلاق دے دی۔

ویڈیو میں خاتون کا کہنا تھا کہ مجھے ڈرامہ کبھی میں کبھی تم بہت پسند تھا۔ ایک دن میں اس ڈرامے کو دیکھ رہی تھی کہ میرا شوہر آگیا اس نے جب مجھے ٹی وی دیکھتے ہوئے دیکھا تو غصے میں آپے سے باہر ہوگیا ۔ اس نے ٹی وی توڑ دیا اور کہنے لگا کہ تم ہر وقت ڈرامے دیکھتی رہتی ہو۔ تمہارا اور کوئی کام نہیں ہے اور مجھے طلاق دے دی۔

30 سالہ ثمینہ کا کہنا تھا کہ میرے شوہر نے مجھے اس سے پہلے مارا پیٹا اور تشدد کا نشانہ بنایا۔خاتون کا کہنا تھا کہ میری کوئی اولاد نہیں ہے اور نہ ہی میرے ماں باپ ہیں اس لیے میں ڈرامے دیکھ کر اپنا ٹائم پاس کرتی تھی لیکن میرے شوہر کو اس بات سے چڑ تھی۔

خاتون کا مزید کہنا ہے کہ اب وہ دوبارہ اپنا گھر بسانا چاہتی ہے اور وہ ایسے شخص کی تلاش میں ہے جو اس کی قدر کرے اور اسے عزت دے ، خواہ وہ اس سے عمر میں بڑا ہی کیوں نہ ہو۔

Please follow and like us:
Pin Share

Check Also

پاکستانی شوبز انڈسٹری کی معروف جوڑی بلال قریشی اور عروسہ قریشی کے درمیان مبینہ علیحدگی کی افواہیں ایک بار پھر سوشل میڈیا پر زیرِ بحث آگئیں۔

لاہور(پاکستان امیج )پاکستانی شوبز انڈسٹری کی معروف جوڑی بلال قریشی اور عروسہ قریشی کے درمیان …

Leave a Reply

Your email address will not be published. Required fields are marked *