اسلام آباد انتظامیہ نے پی ٹی آئی کو 8 ستمبر کو جلسہ کرنے کی اجازت دے دی

اسلام آباد(پاکستان امیج)اسلام آباد انتظامیہ نے پی ٹی آئی کو جلسے کا نیا این او سی جاری کر دیا۔

اسلام آباد ضلعی انتظامیہ نے پی ٹی آئی کو 8 ستمبر کوجلسہ کرنے کی اجازت دے دی،باقاعدہ نوٹیفکیشن جاری کر دیا گیا ہے۔ذرائع کے مطابق این او سی تحریک انصاف کے لوگوں کے حوالے کر دیا گیا ہے،تحریک انصاف اب 8 ستمبر کو جلسہ کرے گی۔

8 ستمبر کے جلسے کا این او سی تحریک انصاف وفاق کے صدر عامر مغل کے نام جاری کیا گیا ہے۔ نوٹیفکیشن میں کہا گیا کہ اسلام آباد انتظامیہ نے 22 اگست کا این او سی مذہبی جماعتوں کے احتجاج کی وجہ سے منسوخ کیا۔نوٹیفکیشن کے مطابق 8ستمبر کو پی ٹی آئی جلسے کو انتظامیہ سیکیورٹی فراہم کرے گی،جلسہ کرنے والوں کے بنیادی حقوق متاثر نہیں ہوں گے، نوٹیفکیشن کے مطابق لوگ شام 4 بجے اکٹھے ہوں گے اور 7 بجے جلسہ ختم کرنا ہوگا۔

انتظامیہ کی جانب سے 40 ہدایات کے ساتھ نوٹیفکیشن جاری کیا گیا ہے، نوٹیفکیشن کے مطابق جلسہ ختم کرنے کے بعد کارکنان کو منتشر کیا جائےگا، 8ستمبر کو کارکنوں کو جلسہ گاہ میں بیٹھنے کی اجازت نہیں ہوگی۔

Please follow and like us:
Pin Share

Check Also

رواں مالی سال ترسیلاتِ زر 44 ارب ڈالر سے تجاوز کرنے کی توقع ہے، وزیر خزانہ

اسلام آباد(پاکستان امیج) وفاقی وزیر برائے خزانہ محمد اورنگزیب نے کہا ہے کہ پاکستان اپنے …

Leave a Reply

Your email address will not be published. Required fields are marked *