لاہور (پاکستان امیج) پاکستانی کرکٹر عمر اکمل نے قومی ٹیم میں شامل ہونے کے لیے اپنی بغیر شرٹ تصویر شئیر کر دی جو سوشل میڈیا پر وائرل ہوگئی۔
تفصیلات کے مطابق عمر اکمل قومی ٹیم کا حصہ بننے کے لیے آئے روز کوششوں میں لگے رہتے ہیں۔ کبھی ڈومیسٹک کرکٹ میں پرفارم کر کے ٹیم میں شامل ہونے کی درخواست کرتے ہیں تو کبھی بیانات کے ذریعے خود کو بہتر آپشن کے طور پر پیش کرتے ہیں۔ یہاں تک عمر اکمل قومی ٹیم میں شمولیت کی درخواست لیے شریف فیملی سے بھی ملاقات کرچکے ہیں۔
مگر اس بار عمر اکمل پوری تیار کے ساتھ ٹیم میں آنے کے لیے پرجوش نظر آتے ہیں کیونکہ انہوں نے اپنا ناصرف وزن کیا بلکہ سکس پیکس ایب بھی بنانے میں کامیاب ہوگئے۔
کرکٹر نے اپنے سوشل میڈیا انسٹاگرام پر دو تصاویر شیئر کی ہیں جس میں انہیں اپنے گھر کے لان میں قمیض پہنے بغیر 6 پیکس واضح کرتے دیکھا جا سکتا ہے۔
View this post on Instagram
شیئر کی گئی تصویر میں عمر اکمل نے کیپشن درج کرتے ہوئے لکھا کہ توجہ فرمائیں ’ یہ تصویر ان کیلئے ہے جو سمجھتے ہیں کہ میں فٹ نہیں ہوں’۔
خیال رہے اس سے قبل بھی عمر اکمل فٹنس ٹیسٹ کے دوران شرٹ اتارنے جیسی حرکت پر پاکستان کرکٹ بورڈ کی سرزنش کا سامنا کرچکے ہیں۔
Pakistan Image