اسلام آباد(پاکستان امیج)سپریم کورٹ نے نیب ترامیم کیس میں بانی پی ٹی آئی کو مقدمے کا تمام ریکارڈ فراہم کرنے کی ہدایت کر دی اور وکیل خواجہ حارث کو عمران خان سے ملنے کی اجازت دیدی۔
نجی ٹی وی چینل جیو نیوز کے مطابق سپریم کورٹ میں نیب ترامیم کیس کی سماعت مکمل ہو گئی، حکومتی وکیل مخدوم علی خان کے دلائل مکمل ہو گئے،سماعت کے اختتام پر بانی پی ٹی آئی اور چیف جسٹس قاضی فائز عیسیٰ کے درمیان مکالمہ ہوا،خواجہ حارث نے دلائل کیلئے تین گھنٹے کا وقت مانگ لیا۔
سپریم کورٹ نے خواجہ حارث کو بانی پی ٹی آئی سے ملنے کی اجازت دیدی،عدالت نے کہاکہ بانی پی ٹی آئی سے خواجہ حارث جب ملنا چاہیں مل سکتے ہیں،بانی پی ٹی آئی کو مقدمے کا تمام ریکارڈ فراہم کیا جائے،چیف جسٹس پاکستان نے خواجہ حارث سے کہاکہ 50لوگ ساتھ لیکر نہ جائیں ایک دو وکیل جب چاہیں بانی پی ٹی آئی سے مل سکتے ہیں،تاریخ کا اعلان شیڈول دیکھ کر کریں گے۔
Pakistan Image