شاہ رخ خان رنگے ہاتھوں پکڑے گئے، تصویر نے سوشل میڈیا پر ہنگامہ برپا کر دیا

کولکتہ(پاکستان امیج) بالی ووڈ کے بادشاہ شاہ رخ خان کی انڈین پریمیئر لیگ کے میچ میں سگریٹ نوشی کرتے ہوئے تصاویر سوشل میڈیا پر وائرل ہوگئیں۔

بھارتی میڈیا کے مطابق 23 مارچ ہفتے کے روز کولکتہ کے ایڈن گارڈنز اسٹیڈیم میں سن رائزرز حیدرآباد اور کولکتہ نائٹ رائیڈرز کے درمیان آئی پی ایل 2024 کا میچ کھیلا گیا۔اس میچ میں کولکتہ نائٹ رائیڈرز کے شریک مالک اور بالی ووڈ سپر اسٹار شاہ رخ خان نے بھی شرکت کی جنہوں نے اپنے لیے بڑی مشکل پیدا کرلی ہے۔سوشل میڈیا پر شاہ رخ خان کی چند تصاویر وائرل ہورہی ہیں جن میں دیکھا جاسکتا ہے کہ وہ میچ کے دوران ایڈن گارڈنز کے احاطے میں سگریٹ نوشی کر رہے ہیں۔

بھارتی میڈیا کا کہنا ہے کہ بالی ووڈ کے میگا اسٹار شاہ رخ خان نے اسٹیڈیم میں VIP باکس کے اندر سگریٹ نوشی کی۔شاہ رخ خان کی یہ تصاویر جیسے ہی سوشل میڈیا پر وائرل ہوئیں تو مداحوں نے اُنہیں کڑی تنقید کا نشانہ بنایا، مداحوں کا کہنا ہے کہ اداکار قومی ٹی وی پر کھلے عام سگریٹ نوشی کررہے ہیں، وہ ایسا کرکے نوجوان نسل کو کونسا پیغام دے رہے ہیں؟

بھارتی میڈیا کے مطابق شاہ رخ خان اس سے پہلے بھی آئی پی ایل میں تنازعات کی زد میں آچکے ہیں، اداکار نے سال 2012 کے آئی پی ایل میں ایک سیکیورٹی افسر کے ساتھ بدسلوکی کی تھی جس کے بعد ان پر 5 سال تک وانکھیڑے اسٹیڈیم میں داخلے پر پابندی عائد کردی گئی تھی۔

واضح رہے کہ 23 مارچ کو ہونے والے میچ میں شاہ رخ خان کی ٹیم کولکتہ نائٹ رائیڈرز نے سن رائزرز حیدرآباد کو شکست دی۔

Please follow and like us:
Pin Share

Check Also

پاکستانی شوبز انڈسٹری کی معروف جوڑی بلال قریشی اور عروسہ قریشی کے درمیان مبینہ علیحدگی کی افواہیں ایک بار پھر سوشل میڈیا پر زیرِ بحث آگئیں۔

لاہور(پاکستان امیج )پاکستانی شوبز انڈسٹری کی معروف جوڑی بلال قریشی اور عروسہ قریشی کے درمیان …

Leave a Reply

Your email address will not be published. Required fields are marked *