لاہور (پاکستان امیج)ایف بی آر نےالیکشن سے قبل تاجروں کیلئے ریٹیلرز سکیم متعارف کروانے کی تیاری کر لی ہے۔
ایف بی آر نے تاجروں کی رجسٹریشن کیلئے ‘ تاجر دوست’ موبائل ایپ تیار کر لی ہے ، ٹیکس نیٹ سے باہر تاجروں کو “دوست” کے ذریعے رجسٹر کیا جائے گا، “دوست ایپ” کے ذریعے دکانداروں کی آمدن کا ریکارڈ ایف بی آر کو مووصل ہو گا ، دکانداروں پر سالانہ آمدن کے مطابق ٹیکس عائد ہو گا، ماہانہ وصول کیا جائے گا۔ اسلام آباد ، کراچی، لاہور، پشاور اور کوئٹہ میں ریٹیلرز سے 100 ارب روپے ٹیکس متوقع ہے ۔
دوسرے مرحلے میں دیگر شہروں کے تاجروں کی رجسٹریشن شروع کی جائے گی ، ملک بھرکے ریٹیلرز پر ٹیکس لگائے جانے سے تقریباً 300 ارب سے زائد آمدن متوقع ہے ، دکان کے سائز اور سالانہ آمدن پر ٹیکس عائد کیا جائے گاجو ماہانہ بنیاد پر اکٹھا ہو گا، سکیم کے تحت تمام شعبوں سے منسلک کاروباروں اور افراد پر ٹیکس عائد کیا جائے گا۔
Pakistan Image