فیصل آباد(پاکستان امیج)جمعیت اہلحدیث نے عام انتخابات میں فیصل آباد میں مسلم لیگ ن کے امیدوار عابد شیر علی کی حمایت کا اعلان کردیا۔
نجی ٹی وی چینل دنیا نیوز کے مطابق لیگی رہنما عابد شیر علی کا کہنا تھا کہ جمعیت اہلحدیث کی قیادت و کارکنان کا شکریہ ادا کرتا ہوں، جمعیت اہلحدیث کی حمایت سے ن لیگ مزید مضبوط ہوگی،ان کاکہناتھا کہ مسلم لیگ ن اور جمیعت اہلحدیث عرصہ دراز سے پاکستان اور اسلام کی خدمت کررہے ہیں،نوازشریف نے ہمیشہ جمعیت اہلحدیت کو گلے سے لگایا۔
عابد شیر علی کا مزید کہناتھا کہ پاکستان جس فسطائیت کا شکار ہے ہم اسے ٹھیک کریں گے،معیشت سمیت دیگر مسائل کا حل صرف نوازشریف کی قیادت ہے۔
Pakistan Image