صادق آباد (پاکستان امیج)رحیم یار خان کے شہر صادق آباد کے نجی اسپتال میں اپنی نوعیت کا پہلا منفرد اور حیرت انگیز آپریشن کیا گیا۔ آپریشن کے دوران ناقابل یقین واقعہ رونما ہواجسے دیکھ کر آپریشن کرنے والے ڈاکٹر بھی حیرت زدہ ہوگئے،صرف 10 ماہ کی بچی کے پیٹ سے رسولی ور زیر پرورش بچہ نکال لیا گیا۔والدین 10 ماہ کی بچی کو پیٹ درد کی شکایت پر صادق آباد کے نجی اسپتال لائے تھے۔صادق آباد کے اسپتال میں 10 ماہ کی بچی کا آپریشن چائلڈ اسپیشلٹ سرجن ڈاکٹر مشتاق احمد نے کیا۔
انہوں نے بتایا کہ آپریشن کے بعد بچی کی حالت خطرے سے باہر ہے، اس طرح کا واقعہ 10 لاکھ بچوں میں سے ایک کے ساتھ ہوتا ہے۔
ڈاکٹر مشتاق احمد نے مزید کہا کہ 1945ء سے اب تک دنیا میں اس نوعیت کے 100 کیسز سامنے آچکے ہیں۔
Pakistan Image