نوشین شاہ کی کنگنا رناوت سے ملاقات کی خواہش، وجہ بھی بتا دی

کراچی(پاکستان امیج) پاکستان شوبز انڈسٹری کی معروف اداکارہ نوشین شاہ نے بھارتی اداکارہ کنگنا رناوت سے ملاقات کی خواہش کا اظہار کر دیا۔

اداکارہ نوشین شاہ نے نجی ٹی وی کے پروگرام میں بطور مہمان شرکت کی اور میزبان کے دلچسپ سوالوں کے جوابات دیئے۔ پروگرام کے دوران میزبان نے سوال کیا کہ کیا آپ کی کبھی کسی بھارتی اداکار یا اداکارہ سے ملاقات ہوئی جس پر نوشین شاہ نے نفی میں سر ہلاتے ہوئے جواب دیا کہ کبھی کسی سے نہیں ہوئی۔ اپنی بات کو جاری رکھتے ہوئے نوشین شاہ کا کہنا تھا کہ زندگی میں ایک عورت سے ملنے کی خواہش ہے جس پر میزبان کی جانب سے ان کا نام پوچھا گیا تو اداکارہ نے کنگنا رناوت کا نام لیا۔

میزبان کی جانب سے پوچھا گیا کہ کنگنا رناوت سے ملنے کی کیا وجہ ہے ؟ جس پر اداکارہ نے دلچسپ وجہ بتائی۔ اداکارہ نے کنگنا رناوت پر شدید تنقید کرتے ہوئے کہا کہ وہ پاکستان کے لوگوں، آرمی اور ایجینسز کے بارے میں فضول گفتگو کرتی رہتی ہیں حالانکہ ان کی اس معاملے میں معلومات صفر ہیں۔ نوشین شاہ نے کہا کہ وہ کنگنا سے ملاقات کر کے انہیں کہنا چاہتی ہیں کہ اپنے کاموں پر توجہ دو، اپنے ملک ، اپنی اداکاری اور ڈائریکشن کے معاملات پر دھیان دو۔

میزبان نے نوشین شاہ کا جواب سن کر کہا کہ جس انداز میں آپ نے کنگنا سے ملنے کی خواہش کا اظہار کیا مجھے لگا جیسے آپ واقعی ان کی مداح ہیں جس پر اداکارہ نے مزید وضاحت دیتے ہوئے کہا کہ میں واقعی ہی کنگنا سے ملنا چاہتی ہوں اور ان سے یہ پوچھنا چاہتی ہوں کہ آپ کو پاک آرمی یا پاکستان کے حوالے سے اتنی معلومات کیسے ہیں۔

Please follow and like us:
Pin Share

Check Also

پاکستانی شوبز انڈسٹری کی معروف جوڑی بلال قریشی اور عروسہ قریشی کے درمیان مبینہ علیحدگی کی افواہیں ایک بار پھر سوشل میڈیا پر زیرِ بحث آگئیں۔

لاہور(پاکستان امیج )پاکستانی شوبز انڈسٹری کی معروف جوڑی بلال قریشی اور عروسہ قریشی کے درمیان …

Leave a Reply

Your email address will not be published. Required fields are marked *